OSORIA Familia

OSORIA Familia

in Hispania illustris, et antiquitate nulli secunda. In ea Petrus Alvarus Osortus, sub Petro Castellae Rege Comitis de Villalobos et Ducis de Aguiar honorem gessit ac ab uxore Maria Ferdinandez de Villalobos, huius familiae successionem suae intulit. Nam minor fil. Garsias Alvarus Cerralvensium sator est; quam successionem obtinuit Garsiae nepos Alvarus Perezius Osorius, ductâ Mariâ Pachecâ Dn. de Cerralvo: Eandem posteri, Osoriô nomine omissô, iam Pascheci, retinuêre, ac Marchionum obtinuêre axioma, Vide infra, in Famil. Pascheca. Maior Alvari Perezii fil. Iohannes Alvarus Osorius, Petrum Alvarum genuit, qui Comes de Trastamara a Iohanne II. Rege creatus est, quô pactô priores tituli exolevêre. Petrus quatuor linearum novarum per totidem filios sator agnoscitur: e quibus maximus natu Alvarus Perezius Osorius I. titulum Marchionis de Astorga paterno adiecit, et illos simul posteris transmisit, defunctus A. C. 1471. Ei successit, ex Leonora (filia Friderici Henrici Admiralis Castellani) fil. Petrus Alvarus Osorius I. Marchio de Astorga, quô et Beatrice Quinnoniâ (filiâ Didaci Fernandesii de Quinnones comitis de Luna) genitus Alvarus Perezius II. Isabellam Sarmiento (filiam Francisci Sarmienti Comitis de S. Martha) sibi iunxit atque ex ea suscepit Petrum Alvarum II. maritum Mariae Pimentelliae, et ex ea patrem, Petri Alvari III. qui ex Constantia de Castro Osorio agnata, filium habuit Petrum Alvarum IV. qui decessit A. C. 1613. Pater, ex Blanca Manricia et Aragonia (filia Ludovici Fernandi Manricii Marchionis de Aguilar) Alvari Perezii III. Marchionis de Astorga Comitis de Trastamara et de S. Martha (nati 1600.) Constantiae (Antonio Gomesio Davilae Marchioni de Velada nuptae) et Annae (uxoris

Ludovici de Velasco Marchionis de Salinas. 2. Ludovici Hieronymi Fernandezii de Cabrera et Bobadilla Comitis de Chinchon) qui omnes, nominis Osorii. Secundus fil. Petri, patri cognominis, Urracam duxit Comitem de Atlamira, Roderici de Moscoso filiam, unde utriusque familiae nomen coniunctum et ad posteros transmissum est, de quibus vide supra. Tertius fil. Didacus Dominos de Villacid et Cerbantes sevit: et quartus Ludovicus Episcopus de Iaen, filios naturales Franciscum atque Alvarum, habuit: quorum ille Dominorum de Valdonquillo auctor est: hic ex Beatrice de Castro filios, sed improles ipsos, genuit. Praeter hos Osorii de Oceanna, a Lupo Alvaro Osorio Marchionis Astorgensis I. germano vel filio derivantur, et Domini de las Regueras, a Roderico primi Petri Alvari, ex Maria de Villalobos, filio. At que haec stirpis de Villalobos series est. Neque vero altera est omittenda Osoria familia, Dominorum de Cabrera et Ribera: in qua Petrus Alvarus, Beatricis de Castra Dn. de Lemos maritus, A. C. 1457. Comes de Lemos, Henrici IV. Regis gratiâ renuntiatus est. Verumenim vero proneptis Beatrix, titulos ad Portugallen sem familiam transtulit. Vide supra in voce Lemos. Ex eadem linea fuit Beatrix sive Iohanna, filia Petri Alvari Osorti Comitis de Lemos, quae cum Ludovico Pimentellio Marchioni de Villafranca nupsisset, in hanc et mox per filiam Petri Toletani coniugem, in Toletanam gentem, Osorium cognomen intulit. Fuit hic Petrus, Prorex Neapolitanus, et defunctus A. C. 1553. ex uxore filium

reliquit Garsiam de Toledo Osorio Marchionem de Villafranca Ducem de Fernandina: qui iunctâ sibi Victoriâ Columniâ (filiâ Ascanii Ducis de Pagliano et Taglia) Petrum genuit, ex Elvira Mendoza, patrem Garsiae de Toleado Osorio Dn. de Fernandina, quô et Mariâ de Mendoza nati sunt N. N. Vide Phil. Iac. Spenerum Theatr. Nobilit. Europ. Part. 2. p. 110. et 89.